Пост канала
- фото
Дьиэ кэргэн биригээдэлэрэ – оҕо сайыҥҥы сынньалаҥын тэрийиигэ төһүү күүс Екатерина Евстафьева, "Нам улууһа" МО дьиэ кэргэн уонна ыччат политикатын отделын начальнига: - Нам улууһугар 2008 сылтан улуус дьаһалтатын өйөөһүнүнэн дьиэ кэргэн биригээдэлэрэ оҕолор сайыҥҥы сынньалаҥнарын тэрийиигэ көхтөөхтүк кытталлар. Кинилэр араас хайысхаларынан тэриллэн, оҕолору туһалаах дьарыкка уһуйаллар. Быйыл сайын куонкурус кыайыылаахтарынан уонна оҕолор сайыҥҥы сынньалаҥнарын тэрийэр уонна ыытар үлэлэригэр улуус бюджетыттан 50000 солкуобай суумалаах субсидияны ылааччыларынан улууспут бастыҥ дьиэ кэргэн биригээдэлэрэ буоллулар: ✅«Үчүгэй алаас оҕолоро» биригээдэ, Модут нэһилиэгэ (салайааччы Алквиад Протодьяконов) – биригээдэҕэ 10 оҕо сылдьар; ✅«Эрэл» биригээдэ, Партизан нэһилиэгэ (салайааччы Сардаҥа Хамаҕа кыыһа Харысхал) – биригээдэҕэ 10 оҕо сылдьар; ✅«Тумачча сыдьааннара» биригээдэ, Хатыҥ Арыы нэһилиэгэ (салайааччы Александр Тохтобин) – биригээдэҕэ 10 оҕо сылдьар. Улуус баһылыга Юрий Слепцов оҕо сайыҥҥы сынньалаҥын өйөөһүнүнэн, дьиэ кэргэн биригээдэлэрэ сайыҥҥы тэрээһиннэри үрдүк таһымнаахтык ыыталларыгар тирэх буолар. Сайыҥҥы кылгас кэмҥэ оҕолорбут бириэмэлэрин туһалаахтык уонна көдьүүстээхтик атааралларыгар, үлэҕэ уонна олоххо иитиигэ дьиэ кэргэн биригээдэлэрэ улахан күүс-көмө буолаллар - диэтэ. «Нам улууһа» МТ пресс-сулууспата
Открыть в MAX- Просмотры
- 270
- ER
- 1,1%
- Реакции
- 3