Пост канала
- видео
Балаҕан ыйын 17 күнүгэр Нам улууһугар, орто дойду ыллыктарынан уһун сылларга сиэттиһэн хаамсан, дьиэ кэргэн бигэ тирэҕин уһансан, үтүө суобастаахтык олорбут ытык мааны ыалларбытын ис сүрэхтэн чиэстиир кэрэ түгэн буолла. 55 сыл бииргэ олорбут Ленскэй тыа сирин түөлбэтиттэн Маргарита Романовна уонна Эдуард Иннокентьевич Мордосовтар, 50 сыл бииргэ Мария Николаевна уонна Петр Варламович Сергучевтар, Матрена Николаевна уонна Рево Степанович Гаврильевтар, Никольскай тыа сирин түөлбэтиттэн Анна Еремеевна уонна Анатолий Васильевич Олесовтар, Көбөкөн тыа сирин түөлбэтиттэн Мария Егоровна уонна Михаил Николаевич Потаповтар, Хатыҥ Арыы тыа сирин түөлбэтиттэн Мария Игнатьевна уонна Степан Васильевич Бугаевтар. 50 уонна 55 сыл анараа өттүгэр, эдэркээн кыыстаах уолчаан, баҕа өттүнэн ыал буолабыт диэн, кэргэннии буолуу туоһу суругар илии баттаабыттарын курдук бүгүн, өссө да уһуннук олоруохпут диэн илии баттаатылар уонна өйдөбүнньүк туоһу суруктары туттулар. “Нам улууһа” муниципальнай оройуон баһылыга Юрий Иннокентьевич Слепцов үбүлүөйдээх дьиэ кэргэттэрин эҕэрдэлээн туран Саха Өрөспүүбүлэкэтин Ил Дархана Айсен Сергеевич Николаев анаабыт “Дьиэ кэргэн килбиэнэ” кыһыл көмүс өҥнөөх ытык бэлиэни, улуус уонна нэһилиэк аатыттан анал үбүлүөйдээх 50 тыһыынчалаах сертификаттары туттарда. Күндү, ытык-мааны дьоммут! Сарын-сарыҥҥытыгар өйөнсөн, тапталгыт уотун сылааһыгар бигэнэн, өссө да уһуннук, дьоллоохтук айа-тута олоруҥ диэн истиҥ алгыс тылларбытын аныыбыт!
Открыть в MAX- Просмотры
- 193
- ER
- 2,6%
- Реакции
- 5