Пост канала
- фото
Хүндүлүг Чоон-Хемчик кожууннуң чурттакчылары, ажыл-ишчи чону! Удавас, 2026 чылдың август 20-де, Чоон-Хемчик кожуун IV-ку делегей чергелиг буддийжи форумнуң аалчыларын хүлээп алыр. Үстүү-Хүрээниң ыдыктыг чери бистиң кожуунда форумнуң кол шөлү болур. Хүндүлүг аалчылар маңаа чедип келгеш, бистиң сүлде-сүзүүвүстүң болгаш күрүне туружувустуң үндезиннерин шингээдип алыр. Үстүү-Хүрээ дээрге кады күжениишкиннер-биле дирилген төөгүвүстүң өзээ-дир.Бистиң ниити сорулгавыс – аалчыларны хүндүткелдиг болгаш чараш байдалга уткуп алыры. Чадаана хоорайнын чурттакчы бүрүзүн база бүдүн кожууннун ажыл-ишчилерин, организацияларын ам-даа чаагайжыдар ажылдарга идепкейлиг киржиринче кыйгырып тур бис! Бедик деңнелдиг харыысалгалыг болгаш аалчыларга хамаарылгалыг чорукту көргүзер дээш кады ажылдаалыңар. Шып каан херим бүрүзү, аштап-арыглаан кудумчу бүрүзү, арыг-силиг ниити хүлээлгевис – ыдыктыг Үстүү-Хүрээ черинге аалчыларны хүндүткелдиг уткуп алырынга бистиң хууда үлүг-хуувус-тур. Бистиң ниити күжениишкиннеривис өгбелеривиске хүндүткелдиң демдээ болгаш салгалдарывыстың чырык келир үезиниң магадылалы болзун! Хундуткел-биле Чоон-Хемчик кожууннун чагыргазы.
Открыть в MAX- Просмотры
- 792
- ER
- 0,5%
- Реакции
- 4