Пост канала
- фото
🔹Тываның Баштыңы Владислав Ховалыг Чеди-Хөл кожуунга ажылчын сургакчылаашкын үезинде дүжүт ажаалдазының кампаниязын, суггарылга системаларының байдалын, Ак-Тал суурже оруктуң септелгезин хынаан. Көдээ ажыл-агыйының хөгжүлдези - кол айтырыг. Республиканың Баштыңы суггарылга системаларының байдалынче онза кичээнгейни угландырып, оларның ажылындан дүжүттүң болгаш аграрлыг бүдүрүлгениң келир үеде хөгжүлдези дорт хамааржырын демдеглээн. «Кожууннуң суггарылга системалары чогуур байдалда ажылдап турар. Долузу-биле чаарттынган Элегес системазы 1047 гектар черни суггатче хаара тудуп, бүрүнү-биле ажыглалда. База бир чугула объект – Ак-Тал бугазы. Аңаа улуг септелге херек, амгы үеде федералдыг акшаландырыышкын документилерин белеткеп турар бис» - деп, ол чугаалаан. айыткан. Кожуунда мал чеминиң белеткели уламчылавышаан. Бо хүнде тус черниң ажыл-агыйлары 9177 тонна сиген белеткээр планының 70 хире хуузун кылган. «Демниг күш-ажылывыс-биле сорулгаларны чедип ап, республикада аъш-чемниң айыыл чок чоруун идегелдиг хандырып шыдаарынга бүзүрээр мен» - деп, ол чугаалаан. Тываның Баштыңы ажылчын сургакчылаашкын үезинде «Амыдыралга инфраструктура» национал төлевилел езугаар чоруп турар Ак-Тал суурже орук септелгезин база хынаан. Объектиде ажылдар 95 хуу доозулган. Орук тудуг-септелге чери оруктуң кыдыгларын быжыглаар, орук демдектерин салыр ажылдарны ам доозар. Ажылдың чорудуун доктаамал контрольдап турар. Республика Чазааның отчедун таныштырып турар үеде, Ак-Тал суурнуң чурттакчыларының киирген дилээ-биле оруктуң септелгезин кылып турарын демдеглезе чогуур. Чурттакчылардан кирген дилеглер болгаш санал-оналдарынга даянган Тываның Баштыңының даалгазы езугаар, орукту чаартынып турар. «Сөөлгү беш чылда ниитизи-биле Тывада 700 ажыг км регионалдыг оруктарны чаарткан. 2026 чылдың төнчүзүнге чедир ам-даа 126 км, а 2030 чылга чедир 750 хире км септеп селиирин планнап турар бис. Эң-не ыраккы суурларже шынарлыг оруктар чедер ужурлуг. Түңнелдер чедип алдынган, ынчалза-даа мурнувуста ажылдар хөй» - деп, регионнуң удуртукчузу чугаалаан. Орук инфраструктуразын хөгжүдери республиканың мурнады боттандырар угланыышкыннарының бирээзи болур. Регионнуң улуг суурларындан аңгыда, ырак-узак суурларын шынарлыг болгаш айыыл чок оруктар-биле хандырары – кол сорулга.
Открыть в MAX- Просмотры
- 227
- ER
- —
- Реакции
- —