Пост канала
- фото
Тарихымны онытмам, тамырымны корытмам!!!Халкыбызда элек - электән якыннарга, кардәш - ыруга хөрмәт, кайгыртучан мөнәсәбәт, туган илгә мәхәббәт яшәгән. Җир йөзендә һәр кеше үзе яши торган төбәкнең табигатен, аның үзенчәлекләрен, халкын, гореф - гадәтләрен, мәдәниятен, тарихын аеруча яхшы белергә тиеш. Туган як, туган туфрак, шәҗәрә... Һәркемгә дә кадерле алар. Туган як гомер - гомергә кешеләр өчен яшәү көче һәм дәрт бирүче чыганак булып торса, шәҗәрә халкың тарихы, аның үткәне, бүгенгесе... . Бу сыйфатлар борынгылар тарафыннан югары бәяләнгән: “Илен белмәгән – игелексез, // Халкын белмәгән – холыксыз, // Ә нәселен белмәгән – нәселсез,” – дигән тәкъбир безне әхлаклы булырга өнди. Шулай ук “Җиде буыныңны бел!” дигән гади, ләкин искиткеч нәсыйхәткә халкыбызның тирән тарихы сыйган. Юкка гына балалар шагыйре Ш. Галиев:“Исәннәрнең кадерен бел, үткәннәрнең каберен бел,” – дип язмаган. Үз нәселе белән кызыксынмаган кешене киләчәктә ни көтә, буыннар бәйләнешен, туганлыкны өзгән кешедән ни көтәргә? Димәк, гаилә тарихын өйрәнү һәм белү – иң кирәкле нәрсә. Клара Гайнетдинова
Открыть в MAX- Просмотры
- 3 250
- ER
- 0,9%
- Реакции
- 29