Пост канала
- фото
✍ТР-ниң күрүнениң аңныыр хайгааралының комитеди федералдыг чурум езугаар, август 1-ден эгелеп араатан аңга спортчу аңнаашкынны чөпшээрээн. Ук сезон сес ай үргүлчүлеп, март 31-де төнер. Улуг-Хем кожуунда малчын коданнарже халдап, мал-маганын тудуп турар бөрүлерни узуткап турар аңчылар бригадазы ажылдап турарын чагырга чери дыңнаткан. Эйлиг-Хемниң бригадазы сумунуң арт кырынга база Ооругга бир-бир улуг эр кокайны узуткаан. Эъжимниң чайлагларында малче халдап турган бөрүлерниң бир эр бөрзээн Шагаан-Арыгның аңчылары чок кылганын кожуунда аңныыр ажыл-агыйы медеглээн. Тывада бо араатан аңның санын өйлеп-чурумчудар дээш, аңныыр сезонундан аңгы үеде база аңнап болурун чөпшээрээн. Тываның эрге-чагыргазы бөрү аңнаарын деткип, улуг кокай дээш 10 муң рубльди, бөрзээнге үш муң рубльди төлеп турар.
Открыть в MAX- Просмотры
- 427
- ER
- 0,2%
- Реакции
- 1