Пост канала
- фото
⚡Хоорайда чай: Немелде өөредилге төвүнде уругларның дыштанылгазы ✍Кызылдың немелде өөредилге төвүнде хүндүскү лагерьге ийи ээлчег дургузунда 200 уруг дыштанганын республиканың немелде өөредилге сайзырадыр төвү дыңнаткан. Лагерьниң улуг вожатыйы Алимаа Ондарның чугаалааны-биле алырга, бирги ээлчегде 100 уруг дыштанган, а ийиги ээлчегде база-ла ол хире уругну хаара туткан. Уругларны назы-хар аайы-биле беш аңгы отрядта хувааган. Отряд бүрүзүнде ийи вожатыйны быжыглаан. Немелде өөредилге төвүнүң лагери уругларның чайгы дыштанылгазын чөптүг ажыглаарынга таарымчалыы-биле эптиг. Ында уругларның дыштанылгазы солун болгаш тулган эртип турар. Чогаадыкчы бөлгүмнер ажылдап турар. Ол ышкаш мастер-класстарны организастап, командалар аайы-биле оюннарны база спортчу квестерни эрттирип турар. Дыштанылга үезинде уруглар Национал музей, Тыва үндезин культура төвү, кинотеатр база Национал паркка четкеннер. ТР-ниң ИХЯ-ның ажылдакчылары уруглар-биле сула шимчээшкиннерни кылып, кинолог албанының ажыл-ижи-биле таныштырган. Оон аңгыда Национал банкының төлээлери уруглар-биле ужуражылганы эрттирген. Пушкин аттыг Национал ном саңының ажылдакчылары Николай Миклухо-Маклайның 180 харлаанынга тураскааткан өөредиглиг шакты эрттиргени онзагай болган.
Открыть в MAX- Просмотры
- 542
- ER
- 0,2%
- Реакции
- 1