Пост канала
- фото
«Юлдаш» радиоһының сираттағы ҙур еңеүе! Коллегабыҙ Гүзәл Зарипова тәьҫораттары менән бүлешә: «Радио. Сикһеҙ офоҡтар» Х Халыҡ-ара фестивале конкурсы жюриһының «Мираҫ» проектына юғары баһа биреүенә бик шатмын». «Мираҫ» — ул Рәсәй халыҡтары берҙәмлеге йылына арналған, Башҡортостан халыҡтарының йолалары хаҡындағы махсус радиотапшырыуҙар шәлкеме. Уның төп идеяһы тәрән мәғәнәле: берҙәмлек һәр халыҡтың үҙенсәлеген хөрмәт итеүҙән башлана. Автор шулай уҡ үҙенең рәхмәт һүҙҙәрен дә еткерә: «Проект геройҙарына — ышаныстары, жюриға — юғары баһаһы, ә һеҙгә, ҡәҙерле тыңлаусылар, ҡыҙыҡһыныуығыҙ өсөн ҙур рәхмәт». Коллегабыҙҙы ихлас күңелдән ҡотлайбыҙ һәм яңынан-яңы ижади үрҙәр теләйбеҙ.
Открыть в MAX- Просмотры
- 1 815
- ER
- 3,0%
- Реакции
- 54