Пост канала
- фото
Саха сириттэн өссө тоҕус бырайыак «Знание» Россиятааҕы уопсастыба гранын ылыаҕа Федеральнай бүддьүөттэн төрөппүт кэмитиэттэрин көҕүлээһиннэрин өйүүргэ эбии 400 мөлүйүөн солкуобай көрүлүннэ. Бу үп РФ Үөрэҕириитин министиэристибэтин көмөтүнэн «Знание» Россиятааҕы уопсастыба ыытар анал куонкуруһун кыттыылаахтарыгар үллэрилиннэ. Манна Россия 66 регионуттан төрөппүт түмсүүлэрин 392 бырайыага хабылынна. Кыайыылаахтар ортолоругар өрөспүүбүлүкэттэн тоҕус бырайыак баар, кинилэр бэйэлэрин көҕүлээһиннэрин олоххо киллэрэргэ 6,88 мөлүйүөн солкуобайы ылыахтара. Барыта бу сылга регионтан 20 бырайыакка 16 мөлүйүөн солкуобай кэриҥэ суумалаах өйөбүл оҥоһуллуоҕа. Өрөспүүбүлүкэ ону тэҥэ төрөппүт түмсүүлэрин көҕүлээһиннэрин куонкуруһун ТОП-10 испииһэгэр киирэр. Төрөппүт түмсүүлэрэ бу үбү оскуолаларга, уһуйааннарга, колледжтарга уонна атын үөрэх тэрилтэлэригэр иитэр эйгэни сайыннарарга, оҕолорго саҥа кыахтары арыйарга, дьиэ кэргэн уонна педагогтар икки ардыларыгар бииргэ үлэлэһиини бөҕөргөтөргэ ыытыахтара. Үбү-харчыны атырдьах ыйын 31 күнүгэр диэри тиэрдиэхтэрэ, ол кэнниттэн хамаандалар бэйэлэрин көҕүлээһиннэрин олоххо киллэрэн саҕалыахтарын сөп. Бырайыактары сэтинньи 15 күнүгэр диэри бүтэриэххэ наада, оттон отчуоту — 2026 сыл сэтинньи 27 күнүгэр диэри «Электронный бюджет» систиэмэҕэ биэриэххэ наада. Кыайыылаахтар испииһэктэрин бу сигэнэн киирэн көрүҥ Хаартыска: sakha.gov.ru
Открыть в MAX- Просмотры
- 591
- ER
- 0,5%
- Реакции
- 3