Пост канала
- фото
Әйдәгез әле бүген гөмбә белән кәтлит әзерлик. Иң беренче итеп гөмбәне юабыз, турыйбыз, суган, тоз, борыч, салып, әкрен утта томалап пешерәбез. Бу эштә ашыгырга ярамый-пешәр-пешмәс булмасын. Итне һәм суганны иттарткычтан чыгарып, суда я сөттә чылатып ак ипи өстәргә кирәк. Фаршка шулай ук тоз, борыч салып, 1 йомырка сарысы өстәргә. Әгәр фаршны формалаштыру авыр икән, 1-2 аш кашыгы манный ярмасы өстәгез. Фаршны порцияләргә бүлгәлибез дә, эчлек салып, кәтлит ясыйбыз. Майда, әйләндереп, әзер булганчы, кыздырабыз. Ашларыгыз тәмле булсын, өстәлләрегез мул булсын! Миннән рецепт-сездән лайк Гөмбә дигәннән-кибеттән алган шампиньон да, үзегез урманда җыйган майлы гөмбә, төп гөмбәсе (опята) да ярый. Лия Мардегаллямова блогыннан
Открыть в MAX- Просмотры
- 3 470
- ER
- 1,0%
- Реакции
- 34