Пост канала
- фото
Татарстанда Рим чоры бизәнү әйберләре хәзинәсе табылган Менделеевск районында археологлар безнең эраның II–III гасырларына караган хатын-кыз бизәнү әйберләре һәм аяк киеме бизәкләре тапкан. Татарстанда археологлар өчен кызыклы ачыш ясалган. Менделеевск районының Татар Сарсазы авылы янында үткәрелгән тикшеренүләр вакытында борынгы бизәнү әйберләре хәзинәсе табылган. Табылдыкны Казан федераль университеты, «Көнчыгыш Европа тигезлеге археологиясе» белгечләре һәм Чаллы тикшеренүчеләреннән торган уртак экспедиция тапкан. Белгечләр таш катламы астындагы разведка чокырларының берсендә өч пластинадан торган бронза күкрәкчә һәм күн шнурлы аяк киеме бизәлеше детальләренә тап булган. Археологлар фикеренчә, бу әйберләр бер хатын-кыз киеменең әзер комплекты булган. Аны билгесез сәбәпләр аркасында кайчандыр җиргә яшергән булырга мөмкиннәр. Табылдыклар б.э.к. II гасырдан б.э. III гасыр башына кадәр яшәгән пьянобор культурасына карый. Галимнәр өчен бу ачыш төбәктәге борынгы кешеләрнең көнкүреше һәм мәдәнияте турында яңа мәгълүмат бирә. Ә хәзинәнең ни өчен яшерелгән булуын әлегә ачыклау мөмкин булмаган. Ул куркыныч вакытта саклап калу өчен күмелгәнме, әллә ритуаль корылманың бер өлеше булганмы — моны галимнәр алга таба тикшерәчәк. 🔎 2027 елда табылдык урынында зур масштаблы казу эшләре үткәрү планлаштырыла.
Открыть в MAX- Просмотры
- 3 162
- ER
- 0,8%
- Реакции
- 24