Пост канала
- видео
🍎 Шарлоткадан да тәмлерәк алма бәлеше! 😁😻 Йомшак камыр, хуш исле алма һәм дарчинның искиткеч кушылмасы — бу бәлешне бер пешерсәң, кабат-кабат пешерәсе килә! 🤤 Камыр өчен: • 300 г он • 130 г шикәр комы • 120 г атланмай • 1 эре йомырка • 6 г көпшәкләндергеч • бер чеметем тоз Эчлек өчен: • 3 уртача алма 🍏 • ¼ чәй кашыгы дарчин • 80 г шикәр комы • ярты лимон согы 🍋 Әзерләү тәртибе: Алмаларны чистартып, кечкенә шакмакларга турыйбыз. Шикәр, дарчин һәм лимон согы белән болгатып, 10 минутка калдырабыз. Камыр өчен он, шикәр комы, көпшәкләндергеч, йомырка, тоз һәм шакмаклап туралган атланмайны кушабыз. Бармак очлары белән уып, валчык сыман камыр ясыйбыз. Форманы пешерү кәгазе белән җәябез. Камырның яртысын төбенә тигезләп салабыз, кырыйларын бераз күтәрәбез. Өстенә алма эчлеген җәябез һәм калган камыр валчыкларын өстенә сибәбез. 🔥 180°C-ка кадәр җылытылган мичтә 35–40 минут пешерәбез (өске-аскы җылыту режимында). Чәй янына бирәбез дә рәхәтләнеп сыйланабыз! ☕️🍎😍 Сез дә пешереп карагыз — үкенмәссез! 😻
Открыть в MAX- Просмотры
- 4 512
- ER
- 1,5%
- Реакции
- 69