МАРИЙ ЭЛ | увер йогын | лента новостей

🎬 💥 МЭТР телеканал Морко район Унчо кундемыште войзымо «Парым» фильмым вашке калыклан аклаш луктеш. ✔️ Фильм мо нерген? Сценарийым возышо драматур Володя Матвеев ты шотышто мом ойла? ✔️ ЛУДСА кумданрак: https://газетамарийэл.рф/parym-u-marij-film-yamde/ 📸 Алевтина Байкован фотожо

Йошкар-Олаште «Марий Эл Республикыште этнологий шымлымаш: эртыше жап да у йӧн-влак» регионысо шанче-практик конференций почылтын. Мероприятий «Финн-угор транзит» сымыктыш да калык усталык тӱнямбал фестиваль кышкарыште эртаралтеш да лӱмлӧ этнограф, историй шанче кандидат Тамара Лаврентьевна Молотован шочмыжлан 70 ий теммылан пӧлеклалтеш. Шанчызе 270 пашан, 5 монографийын авторжо. Конференцийыште кундемыштына этнологий шымлымаш дене кылдалтше пӱсӧ йодыш-влакым каҥашат, эртыше жапыште шуктымо пашам иктешлат да ончыкылан тӱҥ направлений-влакым палемдат. Участник-влак Марий Эл, Самара, Москва, С…

https://ok.ru/profile/518275544735/statuses/157337680453791?ref=ok

Пост без текста

📰🍂Газетнан у номерыштыже лудаш темлена: ✅Кужэҥер округысо Халтурино ялыште олма сокым ямдылыше цех почылтын. Андрей Пайдыганов предприниматель пашам шукта, икшывыже-влакымат тиде сомыллан изинекак шӱмаҥден. Тыге кодшо ийын «Немда Истоки» ялозанлык снабженческо-сбытовой перерабатыватлыше потребительский кооперативым почыныт, да председательжылан Андрей Петровичын Дарья ӱдыржӧ ышташ тӱҥалын. Кумданрак "Ялозанлык" лаштыкыште лудса. ✅Талантан айдеме чыла шотыштат талантан манын арам огыл ойлат. Тиде самырык да уста туныктышо дене вашлийме годым ушышто лач ты ой пӧрдӧ. Вес семынже лийынат ок ке…

Кодшо рушарнян Кужэҥер районысо Шорнотышто Тӱня кумалтыш эртен. Кече сай лийын, калык моткоч шуко погынен. Кызыт саманжат тугай тургыжландарыше: шуко марий еш гыч шочшышт СВО-што элна верч кредалыт. Але вара лишыл еҥышт нунын верч кумалаш Тӱня кумалтышыш мийыде кертыт… Вич ий гыч толшо тыгай йӱлалан калык ончылгоч ямдылалтеш. Вич тулолмышто 41 пурлык дене, 300 наре утла чеспелак дене кумалыныт ты гана! Кӱчан чеспелакат лийын, но утларакше шулдыраным конденыт. «Таче ме Ош Сандалык Поро Кугу Юмылан, тудын Тӱҥ Тӱҥалтышлан, Мер Кугу Юмылан, Шочын Авалан, Мланде Авалан, Курык Кугызалан да моло шнуй…

Шукерте огыл Москваште Калык-влак пӧртыштӧ Марий тӱвыра кече эртен. Тудын кышкарыштыже Ирина Данилован марий калыкын илыш-йӱлажлан, мифологийжылан пӧлеклалтше сӱрет ончеже лийын. Тудо Удмуртий Республикын Ныргындыш ялыште шочын-кушкын. Изинек усталык шӱлышан лийын, сӱретлаш моткоч йӧратен, санденак Набережные Челны оласе кугыжаныш педагогике университетын (кызыт институтыш савыреныт) художественно-графический факультетышкыже тунемаш пурен. Тылеч вара тудо шке илышыжым художественный сымыктыш дене кылден.https://газетамарийэл.рф/shochmo-kalykshylan-lu-pasham-pӧleklen/ Ирина Данилован воткыл лаш…

Наукым вияҥдымашке надырым пыштымыжлан да пашаште сеҥымашке шумыжлан Марий Эл Республикын Правительствыж пеленысе «Йылмым, литературым да историйым шымлыше В.М.Васильев лӱмеш марий институт» кугыжаныш шанче тӧнежын «Лингвистике» направленийжын шанче пашаеҥже Андрей Валерьевич Чемышев Марий Эл Республикым Вуйлатыше Ю.Зайцевын 2026 ий 22 октябрьысе 130-шо №-ан Указше почеш «За заслуги перед Марий Эл» орденын медальже дене наградитлалтын. Саламлена!

Йошкар-Олан администрацийже рӱдолам У ийлан моторын сӧрастараш темла. У ий шӱлыш рӱдӧ площадьыште да оласе тӱҥ верлаште веле огыл, тудо кафен витриныштыже, волгалтше офис окнаште, модышлаште да кевытлашке пурымо годым шижалтшаш, ойлат мэрийыште. Йошкар-Олалан пайрем кумылым пурташ амалкалче-влакым ушнаш ӱжыт. Ола администрацийын Архитектур ден олам чоҥымо управленийже сӧрастарыме 4 концепцийым ямдылен: Йошкар ола (Красный город), Чодыра йомак, Теле историй, У ийысе арт. Кажнын мом ончыктымыжым ссылке почеш эртен ончалын, пален налын кертыда. Эн сайын сӧрастарыш-влакым пӧлек вуча. Чылаже ны…

Пытартыш жапыште воткыл ден мессенджерлаште Йошкар-Оласе школлаште тунемше-шамычын илышыштлан лӱдыкшым ыштыше видеом ужаш лиеш. Рвезе-влак общественный транспортын, поснак троллейбусын, ончыл ужашышкыже але шеҥгелне улшо тошкалтышышкыже кержалтын я троллейбус ӱмбаке кӱзен шинчын, шоген кудалыт. Нуно тыгай «геройло пашаштым» видеошко сниматлат але фотом ыштат да соцкыллашке вераҥдат. Тиде тӱҥ шотышто шке иктаҥашышт ончылно «тале» улмыштым ончыкташ шонен ышталтеш. Тыгай койыш зацепинг маналтеш. Тудо «Троллейбусный транспорт» предприятийын, полиций пашаеҥ-влакын тургыжланымашыштым луктеш. Фотом р…