Татар телендә шигырьләр

Бердәнберем Син диеп тибә йөрәгем Сине уйлап көн утә Яратам дигән сүзләрең Җаннарымны эретә Белмим, ничек булыр тормыш Бергәме, аерыммы Бәлки, бәхет кошы безне Мәңгелеккә кушырмы Ничек булса була инде Ходай тик узе белә Минем өчен син кадерле Тик шуны гына ислә Кулларымны беркемгә дә Бирергә юк исәбем Чит-ятларны урап узам Тик сине көтә күңлем

Сынаулар Кеше гомере тигез генә бармый Була шатлык, бәхет-куаныч. Кайгысы да урап үтми ләкин Авыр була кайчак, кызганыч. Түзеп булмый кайчак сагышларга Йөрәк өзгәләнә, талпына. Язмыш киртәләрен җиңәргә Күп көч кирәк кеше җанына. Яшәү тәмен тоеп яшәр өчен Кирәктер төрле хәләт. Авырлыклар җинеп, бирешмичә Чыныгабыз, җыеп куәт.

Хыял Иңне иңгә терәп, икәү бара атлап Тормыш юлын үтә бергәләп. Пар аккошлар сыман уртак өмет белән Бәхет тауларына үргәләп. Хыялландык — шундый парлар кебек Бергә булырбыз дип гомергә. Ләкин безгә насыйп иткән икән Ялгыз аккош булып яшәргә. Әллә язмыш шулай адаштырды Юлларыбыз китте аерылып. Сагышларга түзеп яшәсәк тә Күңелләр яна ярсып. Баштан уйлар китми, сагындыра Ник башкалар гына кавыша? Ә безнең сөйгән йөрәкләр Тик төшләрдә генә очраша?!

Сагыну-сагыш, юксынулар... Йөрәк сиңа тартыла Я, бәгърем, моңсуланма Сөю бар бит арада Кемнәр шулай яратала Өзелеп, чын йөрәктән Ходай безгә бәхет биргән Парлы булу бик күркәм Булган хисләрне сакларбыз Якларбыз чит күзләрдән Бер-беребезне кадерләп Яшәрбез, өметләнәм Алда көтсен бәхет кошы Балдай татлы минутлар Атлыйк тормыш сукмагыннан Кичереп тик чиксез шатлыклар

Әйдә, иркәм, кил яныма Сал мендәргә башыңны Җаның ял итергә бәлки Көтәдер шул вакытны Йөрәгең дә ялыккандыр Тормыш мәшәкатеннән Кулларымнан килсә әгәр Арчармын хәсрәтеңнән Хыялым бар, белсәң иде Тормышка ашар микән Яшәр идем назга күмелеп Бары тик синең белән Читлектәге кошчык сыман Бәргәләнә күңелем Ничек шулай килеп чыкты Түзче, зинһар, йөрәгем

Энҗе-мәрҗән кирәк түгел Кирәкми алтын таулар Бу дөньялар тыныч булсын Дигән зур теләгем бар Балаларның балачагы Узсын гамьсез-газапсыз Озын гомерләре булсын Бәхетләре — санаусыз Әти-эни янда булып Парлашып картайсыннар Бурычыбыз — кәдер-хөрмәт Күрсәтик, куансыннар Үзебез дә олыгайгач Чәчләргә кунгач чаллар Лаеклы яшәргә язсын Дөньяда бик күп еллар

Булды дәвамы😊 Айлы кичтә, караңгы төннәрдә Җаным, сине юксынам Күзем ачсам иртә таңнарында Китмисең һич уемнан Җаның якын миңа, шуны беләм Йөрәгеңне сүзсез аңлаем Бергә үткән тылсымлы көннәрне Уйларымда һәркөн барлаем Еллар уза, картаябыз һаман Маңгайларда сырлар күбәя Үткәннәрне искә ала-ала Тормышның җепләре сүтелә Язмыш җайлап алга илтә Булсын бергә узасы юллар Уртак серләр, уртак уй-өметләр Назлап кочардай куллар

Айлы кичтә, караңгы төннәрдә Җаным, сине юксынам Күзем ачсам иртә таңнарында Китмисең һич уемнан Җаның миңа якын, шуны беләм Йөрәгеңне сүзсез аңлаем Бергә үткән тылсымлы көннәрне Уйларымда һәркөн барлаем

Бер көн авылда🏡 Авыл өстен томан баскан Таллыкта былбыл сайрый Буадагы кыр казлары Канатларын каккалый Аккошлар хозур йөзәләр Патшабикэ диярсең Су өстендә эзләр кала Дулкынланып-тибрәлеп Иртә узып төннәр җитәр Бар дөнья тынып калыр Арып-талып, кешеләр дә Тәмле йокыга талыр Көн артыннан көннәр уза Еллар да алышына Гомер шулай әкрен генә Көзенә якынлаша

Дөнья шундый хикмәт нәрсә Аккошның да була карасы Гашыйклар да көтә-көтә яши Тормыш юлын бергә узасын Изге хисләр тула ташып Йөрэк узенэ тиң эзли Кавышуның тәмен татып Яшәргә хәркем тели