Һин. Шиғыр. Донъя

Төрлө буш ығы-зығынан Туйҙым, арыным. Юҡҡа сыҡты ышанысым, Бөтөн барлығым. «Ваҡыт! — тинем. — Тик бераҙға Йоҡлатһаң ине. Сәғәт еткәс, ығы-зығы бөткәс, Уятһаң ине...» Әйтте Ваҡыт: «Ялған моңдоң Рәхәтен татып, Йоҡлап килдең, уянырға Үҙеңә ваҡыт!» #НазарНәжми

🤗❤️☀️ Атай, матур һүҙҙәр һөйләмәйһең, Ләкин күҙҙәреңдә күпме наҙ! - Атайыма әйтәм! – тиһәм әгәр, Минән ҡурҡты хатта ата ҡаҙ. Атай, һинән алдым йәшәү көсөн, Һин булғанға башым юғары, Маяҡ булдың миңә аҙашмаҫлыҡ, Шуға ышаныслы юлдарым. Атай, һинең менән донъя йәмле, Шат йылмая һәр көн әсәйем, Ошо йылмайыуҙан көс-дәрт алып, Тыныс күңел менән йәшәйем. Бәлки, түгелмендер иң тыңлаусан, Хаталарым булһа, ғәфү ит, Рәхмәт һиңә, атай, барлығыңа! Һин – донъяла иң шәп атай бит! #ФирүзәАбдуллина

АШЫҒАМЫН🏃‍♂🚴‍♂🧗‍♂ Ашығамын, кешеләргә әйтә торған һүҙҙәрем бар, Ашығамын алдарымда артылаһы үрҙәрем бар. Ишетәһе моңдарымды - ишетәйем тиҙерәк тим, Күпме әле күрәһем бар, күрәйемсе тиҙерәк тим. Көтһөн мине ярһыу яҙым, көтһөн мине алтын көҙөм, Тейерҙәргә тейһен ине ваҡытында изгелегем. Айырмаһын йырҙарымдан, күпме килер ҡулдарымдан, Ашығамын, ашығамын, туҡтатмағыҙ юлдарымдан. #ГөлфиәЮнысова

Онотолмай 🧡🕰️📝 Онотолмай торған йырҙар була, Көйҙәр була - сыҡмай һис иҫтән. Әйләнә лә шул миҙгелгә ҡайтып, Әй, моңлана күңел күректәй! Онотолмай торған мәлдәр була, Гел йылытып тора шул усаҡ! Әллә күпме йылдар үткәндә лә Йөрәктәргә дауа - йырлы саҡ! Онотомай торған һүҙҙәр була, Бәғерҙәрҙә йәшәй яҡтыһы. Шул һүҙҙәрҙән ҡабат илһамланып, Ҡараштарҙа балҡый сатҡыһы. Онотолмай торған кешеләр бар, Һис онотоп булмай, онотоп... Эҙләһәң дә хәҙер табырлыҡмы? Фанилыҡта юҡтыр ул ҡотоп!.. Онотолмай торған ҡараштар бар, Төштә, өндә улар оҙата. Ул күҙҙәрҙә Күктәр бүләк иткән Мәңгелеккә ғашиҡ ҡуҙ ята…

Ватан 💚 Беҙҙең Ватан, ҡыҙым, матур, Ҡояштай балҡып тора; Тауҙары, зәңгәр болоттай, Күктәргә ҡалҡып тора. Һыуҙары, терегөмөштәй, Йылтырап ағып тора; Баҡсаларында емештәр Ерҙәргә тамып тора. Урмандар, әкиәт шикелле, Гөр килеп, шаулап тора; Ал, ҡыҙыл, зәңгәр сәскәләр Күҙҙәрҙе ялмап тора. Был илдә һәр ваҡыт яҡты, Был илдә һәр саҡ ал таң. Шул бына беҙҙең Тыуған ил, Шул бына беҙҙең Ватан. #РәшитНиғмәти

АЛМА 🎭🍎💭 Алмағастың иң осонда Тороп ҡалған яңғыҙ алма. Ҡояш һымаҡ балҡығанын Күрҙе малай, Күҙен алмай. Әйҙә, өҫкә! Әйҙә, өҫкә! Ер тәү тапҡыр аҫта ҡала. Ниндәй киңлек! Ел һыҙғыра. Бит һыҙырыла. Ҡулдар тала. Малай еңмеш. Еңмешлеге Әйтә уға: – Туҡтамаҫҡа! ... Алам тиеп үрелгәндә Алма Өҙөлөп Осто аҫҡа. Тик буш ботаҡ ҡалтырана. Сабый текләп ергә ҡарай. Өҙөлөп төшкән шул алманы Алып ҡасты ят бер малай. Алма уның устарында Әйләнһәсе ялҡын-утҡа. Донъя ҡайһылай иртә бүленә Түбәнлек һәм ғорурлыҡҡа. Түбәнлек Һәм Ғорурлыҡҡа. #РауилБикбаев

ӘСӘМ ХӘЛЕН БЕЛМӘГӘНМЕН ❤️ Әсәм хәлен белмәгәнмен, Әсәй булмайса үҙем. Бала хаҡына икән ул Оло сабырлыҡ, түҙем. Юҡҡа көйәһең, әсәй, тип, Иҫемдә әле көлөү, Ғүмер аҙғынасалыр Бала хаҡына көйөү. Хәҙер үҙем беләм инде Ни икәнен көйөүҙең, Икһеҙ-сикһеҙ икәнлеген Әсәйҙәрҙең һөйөүен. Ҡулымда эшем булһа ла, Баламда ике күҙем. Нимә генә һөйләһәм дә, Балам хаҡында һүҙем. Ул йылмайһа, мин дә көләм, Илаһа – йәшем аға. Ваз кистергән, теҙ сүктергән Бала икән дәбаһа. Әсәм хәлен белмәгәнмен, Әсәй булмайса үҙем. Сабыйым күңелдәренең Көҙгөһө – минең йөҙөм. #ЗөһрәҠотлогилдина

ӨНДӘШМӘЙБЕҘ...🙍‍♀😶🙍‍♂ Ә беҙ хәҙер һөйләшмәйбеҙ күптән, Телмәрһеҙ ҙә бары билдәле. Мин ашҡынып әйтәм тигәндә лә, Һин сабырҙан-сабыр ир әле. Арығанбыҙ аралағы һүҙҙән, Арығанбыҙ артыҡ аҡылдан. Һинһеҙ үткән һәр бер көнөм шуға Келәм булып йәштән туҡылған. Өндәшмәйсә генә аңлашабыҙ, Әйтеү булып ята өнһөҙлөк. Ниндәйҙер хис эҙләп ике яҡта Бер-беребеҙҙе уйлап төн һөҙҙөк. Үткәндәрем ҡабат ҡайтмаҫ миҙгел, Киләсәгем түгел билдәле... Өндәшмәйбеҙ тинең, ә шулай ҙа Һин бит һүҙен әйтер ир әле!.. #ЛарисаАбдуллина Дорина Кострас ижады

Беҙҙең юлдар бер секундҡа Бер - береһенә ҡағылып үтте. Күҙ алдында алыҫ, яҡты Ғәжәп бер нур сағылып китте. Беҙҙең юлдар бер секундҡа Ҡылыстарҙай сарпылып үтте: Уты тейҙе йөрәктәргә, Хистәр ҡапыл артылып китте. Юлдар бергә, күптән бергә түгел, Шашҡан хистәр тынып ҡалды. Йөрәктәрҙә алыҫ бер нур, Ҡылыста эҙ тороп ҡалды. #РәшитНазар

ӨЙРӘНӘ АЛМАНЫМ🤷🏻‍♀ Мин өйрәндем Илар ерҙә иламаҫҡа. Мин өйрәндем Ҡолар ерҙә ҡоламаҫҡа. Тик йөрәгемде Өйрәтә алманым һине күргәндә туламаҫҡа. #ДинәТалхина