Казан шәһәре

«Алмачуар» драматургия конкурсының җиңүчеләр исемлеге билгеле   22 октябрь көнне «Алмачуар» балалар һәм яшүсмерләр аудиториясе өчен татар телендә язылган пьесалар конкурсының жюри утырышы булып узды. • Казан Мэриясе игълан иткән бәйгенең финалына 33 әсәр чыккан иде. • Авторлар арасында Татарстанда иҗат итүче драматурглар гына түгел, Башкортстан республикасы, Киров өлкәсеннән катнашучылар да бар.   Шулай итеп, җиңүчеләр һәм махсус бүләк ияләре исемлегенә күз салыйк: (алфавит тәртибендә) ▫️Батталова Гөлүсә ▫️Бикмуллина Алинә ▫️Гыйбадуллина Лилия ▫️Гыйльметдинова Фатыйма ▫️Гыймадиева Ләлә ▫…

Казанда урам-юл челтәрен төзекләндерү эшләре тәмамлана: бүгенге көндә шәһәр буенча әлеге төр эшләрнең 96%-ы башкарылган Авиатөзелеш районында 6 чакрым озынлыктагы иң катлаулы участокларның берсен – Петр Витер һәм Михаил Миль урамнарын яңарту чаралары да ахырына якынлашып килә. Эш барышын Казан мэры Илсур Метшин бәяләде. Биредә юл өслеге белән бергә, яңгыр сулары канализациясе торгызыла.

Бүгенге «Татарча дөрес сөйләшик» рубрикасында ярминкә темасына бәйле сүзләрне карап үтәрбез🥬🌽 ▫️Ярминкә - ярмарка ▫️Яшелчәләр - овощи ▫️Кабак – тыква ▫️Кәбестә – капуста ▫️Сарымсак – чеснок ▫️Борчак – горох ▫️Торма, ачы торма - редька ▫️Керән - хрен ▫️Ташкабак - кабачок Исегезгә төшерәбез, иртәгә, 24 октябрьдә, Казанда авыл хуҗалыгы ярминкәләре узачак. Сәүдә эше 6:00 дән 13:00 гә кадәр дәвам итәчәк.

Дәрвишләр бистәсендә урнашкан 415 нче «Умырзая» балалар бакчасы капиталь ремонттан соң ачылды Яңартылган балалар бакчасында Казан мэры Илсур Метшин булып кайтты. 1961 елда төзелгән бина үз тарихында беренче тапкыр комплекслы яңартылды: биредә инженерлык челтәрләре, тәрәзәләр һәм ишекләр алыштырылды, түбә һәм фасад төзекләндерелде. Балалар бакчасы «11 нче татар гимназиясе» белән бәйләнештә эшли, биредә тәрбия һәм укыту татар телендә алып барыла.

Казанлыларны яшүсмерләр клубларында узачак остаханәләргә чакыралар Бу атнада Казанның яшүсмерләр клубларында балалар һәм яшьләр өчен осталык дәресләре уздырыла. Кайбер чараларга алдан теркәлү узу шарт. Исегезгә төшерәбез, «Яшүсмер» муниципаль унитар предприятиесенең рәсми порталы эшли, анда Казанның яшьләр клублары һәм үткәрелә торган чаралар турында тулырак мәгълүмат алырга мөмкин.

Казанның Восстание урамы, 59 йорт адресы буенча менталь тайпылышлары булган балаларны социаль тирәлеккә җайлаштыру өчен махсус киңлек ачылды Укыту-күнекмәләргә өйрәтү фатирына килгән Казан мэры Илсур Метшинга биредә кулланыла торган методикаларны тәкъдим иттеләр, дәресләрне оештыру үзенчәлекләре турында сөйләделәр. «Игелекле Казан» оешмасының әлеге проекты шәһәрдә алтынчысы санала һәм ул елына 96 балага уңайлы шартларда мөстәкыйль яшәү өчен кирәкле көндәлек күнекмәләрне үзләштерергә ярдәм итәчәк.

6-9 ноябрендә Казанда татар яшьләре өчен «Акыл Фабрикасы» форумы узачак Чара Татарстаннан һәм Россиянең башка төбәкләреннән 80ләп яшь лидерны берләштерәчәк. Форумның максаты — актив яшьләрне берләштерү, яңа проектларны бергәләп тормышка ашыру өчен командалар төзү. Форумда катнашу бушлай. Теркәлү 22 октябрьгә кадәр сылтама аша. Әлеге чара Бөтендөнья татар яшьләре форумы тарафыннан оештырыла.

Бари Галиев урамында канализация насос станциясе һәм яңгыр канализациясенең басымлы торбалары төзелеше тәмамлана Эшләр барышы белән Казан мэры Илсур Метшин танышты. Микрорайондагы су басу проблемаларын хәл итәргә тиешле объект 92% ка әзер. Эшләр ноябрь ахырына кадәр тәмамлану планлаштырыла.

Казанда 15 октябрьдән юл хезмәтләре тулысынча кышкы эш режимына күчте. 2026–2027 елның кышында гомуми мәйданы 23 миллион квадрат метрдан артыграк булган урам-юл челтәре дүрт подряд оешмасы тарафыннан каралачак. Шәһәрдә барлыгы 580 махсус җыештыру техникасы берәмлеге кулланылачак. Казанлылар мөрәҗәгатьләрен +7(843)222-72-22 телефон номеры яисә МАХтагы «Минем Казан» чат-бот аша юллый ала.

«Калеб. Ликбез» проектының өченче лекциясенә рәхим итегез! 1930–1950 елларда татар музыкасы зур үзгәреш кичерә. Радионың халыкка ныклап үтеп керүе, симфония-опера әсәрләренең даими рәвештә куелуы, филармония сәнгать төркемнәренең гастрольләр белән йөрүләре, профессиональ музыка белеме бирү үзәгенең ачылуы — болар барысы да шушы бер вакытка туры килгән вакыйгалар. Мондый хәлләрне бер дә кичермәгән татар кешесе бу үзгәрешләр эчендә үзен ничек тота, нәрсәләр хис итә, нинди өметләр белән яши? Ул чор артистлары, җырчылары, композиторлары моны ничек сурәтли? Шулар хакында дирижер, баянчы Илн…