Файдалы киңәшләр | Полезные советы

Диван чистартабыз Йомшак җиһазларны чистарта башлаганчы, иң элек аларның тукымасын белергә кирәк. Чөнки һәркайсының үз таләпләре. Ясалма күн химия һәм каты щетканы яратмый. Аны сабынлы суга манылган юеш чүпрәк белән сөртеп алу да җитә. Тапларны бер үк күләмдәге нашатырь спирты һәм глицерин катнашмасы белән бетерергә була. Күн, велюрны юеш чүпрәк белән сөртәләр, тапларын спиртка манылган салфетка белән ышкыйлар. Замш һәм нубукны юешләргә ярамый. Аларны коры ысул, әйтик, махсус күбек белән чистарталар. Флок спирт тидергәнне яратмый. Винил тукыманы чистарту өчен теләсә нинди юу чарасын кулла…

Киңәшләр ✔ Киемнәр сузылмасын, төймәләре өзелмәсен дисәгез, кер юу машинасына төймәләп салыгыз. ✔ Карт тавыкны тизрәк пешерү өчен, 20 минут кайнатканнан соң, 5 минутка салкын суга тыгып алырга кирәк. Аннан шулпага салып пешереп бетерергә. ✔ Кәтлитне беренче минутларда көчле утта кыздырырга кирәк. Кызган элпә итнең согын эчтә калдыра, агып чыкмый, шуңа кәтлит сусыл була.

Физалисны нишләтәләр? Физалис — помидорның туганы. Аның җимешләре фонарьлар кебек, тышча эченә яшеренгән. Атамасы да шуннан алынган, физалис — грекчадан “куык” дигәнне аңлата. Аның декоратив төрләре дә бар, аларын ашарга ярамый. Мондыеның фонарьлары кызгылт сары төстә, ут кебек янып тора. Аны кышкы букетлар ясаганда кулланалар. Физалисның черри помидорына охшаган вак җимешләре С, В витамины, тимер, башка микроэлементларга бай. Ашарга ярый торган төрләренең дә сортлары күп. Ул яшелчә яки җиләкле була. Соңгысы баллырак, аннан кайнатма, джем әзерлиләр. Физалис-та пектин күп, шуңа шикәр комын баш…

Торба тыгылса 3 стакан чәй содасына 1,5 стакан исәбеннән тоз кушарга. Бу катнашманы торбага салырга. Өстенә җылы аш серкәсе агызырга. Ул чыжылдап “кайный” башлый. Аннан кайнар су белән юдыртырга кирәк. Химик реакция торбаны чистартырга тиеш.

Иннек - энә саклагыч Иннеге беткәч, футлярыннан җайлы гына энә савыты ясый аласыз. Калган иннеген чистартырга. Поролон кисәге яки губканы футлярга керерлек итеп кисәргә. Эченә һәм губка кырыйларына җилем сөртергә һәм футлярга тыгызлап кертергә. Җилеме кипкәч, губкага энәләр кадап куегыз. Иннек-энә савытын үзегез белән йөртә, юл сумкасына да сала аласыз.

Тоз хуш исләндерә Өйдән озак вакытка киткәндә тәрәзә-ишекләрне ябабыз. Кайтуга йортның һавасы үзгәргән була. Әгәр сезне хуш исле өй каршы алсын дисәгез, бу киңәшне кулланып карагыз. Моның өчен үзегез яраткан исле эфир мае һәм тоз кирәк булачак. Стакан яки тәлинкәгә аз гына тоз салырга һәм шуңа 4-6 тамчы эфир мае тамызырга. Аның исе берничә ай бетми тора.

Ничек үсәләр? Көн дә аш-су бүлмәсендә кулланыла торган тәмләткечләрнең кайда һәм ничек үсәләр? Кардамон — иң кыйммәтле тәмләткечләрнең берсе. Ул Һиндстан, Пакистан, Бутан, Бангладешта үсә. Орлыклары өлгереп җитмәгән килеш, яшел чакта җыялар. Яшел кардамон чын санала, ул хуш ислерәк. Карасы арзанрак тора. Көнҗет — ак яки шәмәхә кузаклы, 2,5 метрга кадәр үсә торган үсемлек. Аның чәчәкләре бер көн генә тора, шул арада алар үзлегеннән серкәләнеп, орлыкланырга өлгерә. Бер кузакта йөзләгән көнҗет орлыгы була. Аның ак, кара, кызыл, көрән, алтынсу төстәгеләре бар. Кара көнҗет агыннан хуш ислерәк, фа…

Тоз булыша Тозлы эремә киемнәрнең төсен сакларга булыша. Кием-салымны юар алдыннан 1 л суга 1-2 аш кашыгы тоз кушылган эремәгә салып торырга. Юганнан соң шундый ук суда чайкарга да була. Кайбер хуҗабикәләр тозны кер юу машинасының порошок бүлеменә сала, болай эшләргә киңәш итмибез. Тоз кристаллары техниканы ватарга мөмкин. Тозлы эремәдә чайкалган кер кышын салкында бозланып катмый, тизрәк кибә.

Лимон чистарта Караҗиләк, бөрлегән бик файдалы, әмма чистартканда кулны нык пычрата. Эшләп бетерүгә кулларга лимон согы, лимон кислотасы яки аш серкәсе эремәсе сөртергә була. Кузгалак ышкып та чистарта аласыз.

Агулы чәчәкләр Безнең бакчаларда үсә торган кайбер чәчәкләр агулы. Ерактан гына сокланып йөри торганнары бар. Аларны утыртканда, тәрбияләгәндә сак булырга кирәк. Нәркис. Язның беренче чәчәге — нәркисне вазага кисеп куймаска тырышыгыз. Ул башны авырттыра, аллергия чыгара ала. Бу чәчәк бакча бизәге булып утырса, яхшырак. Гортензия. Гортензиянең барлык өлеше дә агулы, иң күп агулы матдәләре бөреләренә җыела. Гортензия җәй буе чәчәк ата, шуңа аның тирәсендә бик йөр- мәскә, анда балаларны җибәрмәскә тырышыгыз. Безвременник (колхикум). Бу чәчәк бакчаларда күп очрый, аның барлык өлеше, суганчалары…